مااقسى بان تكون لعبه

مرات اقول انا عايز اعيش من غير قلب

خلاص عليك اعلنت يا قلبى الحرب

انا كم جرعت المر كتير ولقيتو جد ما بنشرب

ابعد بعيد يا قلبى وافضل تغترب

*******

انته جد ما ليك مكان بين الضلوع

لبستنى الاحزان دروع

اوعك تفكر تانى فى الحب واوع تتمنى الرجوع

*******

حبيت كتير وانا ايه جنيت غير الندم

جواى كان امال كتير والحب هدم

انا عايز احس يوم بالامان

حتى الامان قلبى اتعدم

**************

لو جانى احساس يوم احب ماعايز احب

لو حتى كان فى الحب ده روحى بيهو دواى

ماعايز احب وخلاص كفاية على جروحى وعايز اعيش يا قليب براى

ياروحى افضل ليك تروحى بد يشيل الحب وروحى

***********

شكلك بديت والله تدق يا قلبى تانى

اوعك تصدق يا قليب للحب معانى

تفرح دقايق وبالسنين تفضل تعانى

احلفك بالمولى يا قليب بس عشانى

اوع يوم ترجع تحن للحب ده تانى

الحب كتل والله جد جواى امانى

الحب نسيتو سنين طويلة هو ما نسانى ؟؟

انا لو اموت افضل ما عايز احب والله تانى

ولو بنا الحب لى قصور بدل المبانى

*******

شكلك بقول والله حنيت ليهو شديد

يا قليب كمان فرحان وحاسى بجد سعيد

ما بخدعك يا قلبى جد فكرت فيهو

لقيتو جد انسان عظيم كان عايز الاقيهو

واجبى نحوك اقنعك ما تشتهيهو

لو عاود الجرح النذيف منو البداويهو

******

والله يا قليب ليك جد والله بريد

وانا بنصحك الحب وعيد

وبحذرك تحذير شديد

اوعك تريد

اوعك تحن .. واوعك تلين

الحب عذاب .. الحب انين

الحب دا لو كان وين .. وين

انا مستحيل بيهو استعين

هو عمرو ما كان لى معين