ما معنى أن نحيا ولا ندري بأن العشق قد يبقى سجينا في الخلايا

مابين الإمتداد والديم..
زحينا وقرينا واتغبرنا واتشاكلنا وحبينا...
ونطينا الحيطة (بطاقات وكده)
زمن الضل كان الا كافتيريا المهندس..
وطوالي شارع النيل محل الكلام الدقاق...
وكباية جبنة من خالتك حوا..
واستمتع بالمظاهرات (عشان البلد خلا وممكن تجري في أي اتجاه)
وخش الورش وحنك وانت بتبني ليك مدماك..
أو بتقطع ليك في خشبة..
وزح بعيد من عزابة سيارات..
واخد ليك تكلة جمب القاعة الكبرى
يوم محاضرة ناس محاسبة..
وارجع بيتكم عندك تمزق من الزح الكتير...

مساجينك

تغرد في زنازينك

عصافيراً مجرّحه بى سكاكينك

برغمك نحن مازلنا

بنكبر بى زلازلنا

بنعشق فى سلاسلنا

وبنسخر..

من زنازينك
حكايات الهوى الأول..

بنحكيها

بدايات الغُنا الطول..

نغنيها

حقيقه وليس تتأول

حتخجل من عناوينك

للسودان عواطفنا

وبالسودان مواقفنا

ولّما تهب عواصفنا

ما حيله قوانيك؟

مساجينك...